№140 საჯარო სკოლის  პედაგოგების ექსკურსია 

რაბათში

II -კლასის საშობაო ღონისძიება

მიზანი:

• საახალწლო ღონისძიებაში მოსწავლეთა მონაწილეობა 
• მშობელთა ჩართულობა
• მოსწავლეთა და მშობელთა მხატვრული ფანტაზიის წარმოჩენა
• აუდიტორიის წინაშე მოსწავლეთა ავტოპრეზენტაციის უნარ-ჩვევების განვითარება
• ესთეტიკური გემოვნების ჩამოყალიბება

შედეგი:

ღონისძიებაში ჩრთული იყო კლასის ყველა მოსწავლე და მათი მშობლები.კლასში შეიქმნა საახალწლო განწყობა.წარმოჩნდა მოსწავლეთა სხვადასხვა შემოქმედებითი უნარები.ჩამოუყალიბდათ გუნდური მუშაობის ჩვევები

მიმდინარეობა:

 კლასი დაყოფილი იყო 5 ჯგუფად.თითოეულ ჯგუფს არჩეული ჰქონდა თავისი სახელი,დევიზი და ემბლემა

ღონისძიება შედგებოდა ორი ნაწილისგან

I ნაწილი წარმოადგენდა მისალმებას.ჯგუფი მუსიკალური ნომრით ესალმებოდა აუდიტორიას და აცნობდა ჯგუფის სახელს,დევიზს,ემბლემას და გუნდის კაპიტანს 

II  ნაწილი წარმოადგენდა საშინაო დავალებას

ჯგუფი აუდიტორიის წინაშე უნდა წარმდგარიყო დავალებით ,რომელიც სახლში მოამზადა მშობლების დახმარებით

I   ჯფგუფმა  "არწივები",წარმოადგინა ქართული ფოლკლორიდან მოკლე ინსცენირება

II  ჯგუფმა "ალილო" წარმოადგინა საქართველოს სხვადასხვა კუთხის საახალწლო ტრადიციები.

III ჯგუფმა "ლომები" წარმოადგინა ქრისტეს შობის ინსცენირება და ნაძვის ხის მორთვის ტრადიციის დასაბამი

IV ჯგუფმა "მწიგნობრები" კი ინგლისური ლექსებითა და სიმღერებით მიულოცა ახალი წელი დამსწრეებს.

     ჯგუფების დავალებებს დირექცია ქულებით აფასებდა .

ღონისძიების ბოლოს ყველა მონაწილე დირექციის წარმომადგენლებმა დააჯილდოვეს სიგელებით და საჩუქრებით

              ღონისძიების ხელმძღვანელი და პასუხისმგებელი პირი:

II  კლასის დამრიგებელი:  მ.აროშიძე

გილოცავთ ახალი სასწავლო წლის დაწყებას!

გილოცავთ ახალი სასწავლო წლის დაწყებას!

გისურვებთ წინსვლას და წარმატებას ჩვენი ქვეყნის საკეთილდღეოდ!

მოსწავლის ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში გადაყვანა

2011 წლის 6 სექტემბრამდე საქართველოს განათლებისა და მეცნიერების სამინისტროში წარმოდგენილ განცხადებებთან დაკავშირებით, რომელიც ეხება მოსწავლის ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში გადაყვანას და ზოგადსაგანმანათლებლო დაწესებულებაში (მათ შორის პირველკლასელების) ჩარიცხვას, გაცნობებთ, რომ ,,სკოლაში მოსწავლის ჩასარიცხად აუცილებელი დოკუმენტების წარმოდგენის დამატებითი ვადის განსაზღვრისა და მოსწავლის ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში გადაყვანის შესახებ” საქართველოს განათლებისა და მეცნიერების მინისტრის 2011 წლის 06 სექტემბრის №590 ბრძანების პირველი და მეორე პუნქტის შესაბამისად:
სკოლაში მოსწავლის ჩასარიცხად აუცილებელი დოკუმენტების წარმოდგენის ვადად დამატებით განისაზღვრა არაუგვიანეს 2011 წლის 12 სექტემბერი.
იმ მოსწავლეებს, რომლებმაც ობიექტური მიზეზების არსებობის შემთხვევაში, ვერ მოახერხეს ერთი ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში გადასვლა, უფლება მიეცათ ერთი ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში გადავიდნენ 2011 წლის 12 სექტემბრამდე.

ასევე გაცნობებთ, რომ მოსწავლის ზოგადსაგანმანათლებლო დაწესებულებაში ჩარიცხვის შესახებ გადაწყვეტილებას იღებს სკოლის დირექტორი, სკოლაში არსებული ადგილების რაოდენობის ფარგლებში.

სასკოლო სახელმძღვანელოების მაღაზიები

სასკოლო სახელმძღვანელოების შეძენა დაბალ ფასად შესაძლებელია შემდეგ წიგნების მაღაზიებში .

იხ. ბმული:

http://mes.gov.ge/uploads/cignebi/tbilisi%20new.pdf

სასკოლო სახელმძღვანელოების გამოწერა სახლიდან გაუსვლელად

წელს პირველად, წიგნების დისტრიბუციის პროცესში საქართველოს ფოსტა ჩაერთო. სურვილის შემთხვევაში, მშობლებს შესაძლებლობა ეძლევათ საქართველოს ფოსტის ვებ-გვერდის საშუალებით სახლიდან გაუსვლელად გამოიწერონ სასწავლო სახელმძღვანელოები, კურიერი წიგნებს მათ სახლში მიუტანს. 
საქართველოს ფოსტასთან თანამშრომლობა დადებული მემორანდუმის ფარგლებში ხორციელდება. წელს პირველად საქართველოს ფოსტა ასევე უზრუნველყოფს სოციალურად დაუცველი მოსწავლეებისთვის სახელმძღვანელოების დარიგებას. 14 სექტემბრამდე წიგნებს სოციალურად დაუცველი ყველა მოსწავლე მიიღებს.

ზოგადსაგანმანათლებლო დაწესებულებაში მოსწავლეთა მობილობის წესის დამტკიცების შესახებ

საქართველოს განათლებისა და მეცნიერების მინისტრის

ბრძანება №114/ნ

2011 წლის 29 ივნისი

ქ. თბილისი

ზოგადსაგანმანათლებლო დაწესებულებაში მოსწავლეთა მობილობის წესის დამტკიცების შესახებ

,,ზოგადი განათლების შესახებ” საქართველოს კანონის 26-ე მუხლის პირველი პუნქტის ,,ს¹” ქვეპუნქტის საფუძველზე, ვბრძანებ:

1. დამტკიცდეს ,,ზოგადსაგანმანათლებლო დაწესებულებაში მოსწავლეთა მობილობის წესი” ამ ბრძანების დანართის შესაბამისად.

2. ეს ბრძანება ამოქმედდეს გამოქვეყნებისთანავე.

დ. შაშკინი

ზოგადსაგანმანათლებლო დაწესებულებაში მოსწავლეთა მობილობის წესი

მუხლი 1. რეგულირების სფერო

ზოგადსაგანმანათლებლო დაწესებულებაში მოსწავლეთა მობილობის წესი (შემდგომში – წესი) არეგულირებს მოსწავლის გადასვლას ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში (შემდგომში – მობილობა).

მუხლი 2. მობილობის უფლების მქონე მოსწავლე

მობილობის უფლება აქვს მოსწავლეს, რომლის ზოგადსაგანმანათლებლო დაწესებულებაში ჩარიცხვა განხორციელდა კანონმდებლობით დადგენილი წესით და არის ზოგადსაგანმანათლებლო დაწესებულების მოსწავლე.

მუხლი 3. მობილობა

1. მოსწავლეების მობილობა შესაძლებელია განხორციელდეს კალენდარული წლის განმავლობაში ორჯერ, ყოველი წლის 1 ივლისიდან 31 ივლისამდე და 25 დეკემბრიდან 20 იანვრამდე.

2. ობიექტური მიზეზების არსებობის შემთხვევაში საქართველოს განათლებისა და მეცნიერების სამინისტრო უფლებამოსილია ამ მუხლის პირველი პუნქტით გათვალისწინებული ვადებისაგან განსხვავებულ პერიოდში მიიღოს გადაწყვეტილება მოსწავლის ზოგადსაგანმანათლებლო დაწესებულებიდან სხვა ზოგადსაგანმანათლებლო დაწესებულებაში გადაყვანის შესახებ.

3. ზოგადსაგანმანათლებლო დაწესებულება უფლებამოსილია, მობილობის მსურველის ჩარიცხვამდე გასაუბრების ან გამოცდის საფუძველზე დაადგინოს მობილობის მსურველის ცოდნისა და უნარების ცალკეული კლასის/კლასების ეროვნული სასწავლო გეგმით დადგენილ მიღწევის დონესთან თავსებადობა.

მუხლი 4. ზოგადსაგანმანათლებლო დაწესებულების დირექტორის პასუხისმგებლობა

წინამდებარე წესის შესრულებაზე პასუხისმგებელია ზოგადსაგანმანათლებლო დაწესებულების დირექტორი.